Allt um bólusetningar barna

• Hvaða áætlun er fylgt við barnabólusetningar hérlendis?
• Hvers vegna er áríðandi að bólusetja barnið?
• Á að bólusetja börn með hitasótt?
• Hvaða aukaverkanir geta verið af ýmsum bólusetningum?
• Hversu langa vörn veita bólusetningarnar?

Hvaða áætlun er fylgt við barnabólusetningar hérlendis?

Um áramót voru gerðar breytingar á bólusetningum barna hérlendis. Breytingar þessar fela m.a. í sér að tekið hefur verið í notkun nýtt bóluefni. Sprautum hefur fækkað en bætt var við kíghóstabólusetningu við 5 ára aldur.



Styttingar:

• HIB: Bólusetning gegn hemophilus inflúensu í b flokki, sem getur m.a. valdið meningitis (heilahimnubólgu) og epiglottitis (sýkingu í koki). Sjá einnig pistil vikunnar: Heilahimnubólga og blóðsýking af völdum meningókokka baktería.
• MMR: Bólusetning gegn mislingum, hettusótt og rauðum hundum.

Heimilislæknirinn annast bólusetningarnar. Þær eru gefnar við reglubundna læknisskoðun barnanna.

Hvers vegna er mikivægt að bólusetja börnin?

• Með bólusetningunni eru börnin varin gegn ýmsum alvarlegum sjúkdómum.
• Við bólusetninguna bregst ónæmiskerfi líkamans við bólusetningunni og myndar mótefni gegn þeim sjúkdómum sem bólusett er fyrir.
• Oft beinist athygli og áhyggjur foreldra um of að aukaverkunum af bólusetningunni. Leggja skal ríka áherslu á það að hættan af aukaverkunum er hverfandi, samanborið við hættuna, sem barninu stafar af þessum sjúkdómum.

Á að bólusetja barn með sótthita?

Nei, ef barnið er með hita á að fresta bólusetningunni. Venjulegt hitalaust kvef á þó ekki að vera nein fyrirstaða.

Hvaða aukaverkanir geta orsakast af bólusetningum?

• Örsjaldan kemur fyrir að bólusetningar geta valdið alvarlegum aukaverkunum.
• Ofnæmi fyrir bólusetningum er sjaldgæft.
• Við barnaveiki-, kíghósta, -stífkrampa,- HIb-, mænuveiki- og stífkrampabólusetninguna getur komið fram roði og bólga. Það hverfur venjulega á nokkrum dögum. Einnig getur barnið fengið hita.
• Við MRR bólusetninguna: (allt að 3 vikum eftir) geta komið fram væg skammvinn viðbrögð í nokkra daga. Einkennin líkjast þá sjúkdómseinkennum þeirra sjúkdóma sem verið er að bólusetja gegn. Þau geta verið: kvef, útbrot, hiti og ef til vill bólgnir munnvatnskirtlar. Börnin eru ekki smitberar.

Hversu langa vörn veita bólusetningarnar?

Eftir að allri áætluninni hefur verið fylgt eftir fæst vörn gegn:

• barnaveiki og stífkrampa í að minnsta kosti 10 ár og hugsanlega lengur
• kíghósta, í að minnsta kosti 3 ár, en það er ekki fullljóst enn
• heilahimnubólgu af bakteríunni hemophilus influenzae í b flokki, (langvarandi vörn)
• mænuveiki, (ævilöng vörn)
• mislingum, hettusótt og rauðum hundum, (ævilöng vörn).
• sjá einnig kafla um bólusetningar í Íslensku lyfjabókinni