Offita - kjörþyngd (sjálfskönnun)

Kannaðu hvort þú sért of þung/ur - reiknaðu út BMI-vægi þitt

Ein leið til að kanna offitu er svokallað BMI-próf. Þannig er hægt að reikna út hlutfallið milli hæðar og þyngdar.

---

Sláðu inn þyngd þína kílóum:	Vantar þyngd
Sláðu inn hæð þína sentmetrum:	Vantar hæð
BMI-vægi þitt er:

---

Taflan sýnir æskilegt BMI-vægi

Aldur	Vannæring (auka þarf þyngdina)	Heilbrigði	Ofeldi (aukin dánartíðni)	Offita (verulega aukin dánartíðni)
Yfir 35 ára	BMI undir 19	BMI: 19 - 26	BMI: 27 - 30	BMI yfir 30
18-34 ára	BMI undir 19	BMI: 19 - 24	BMI: 25 - 30	BMI yfir 30

Að sjálfsögðu er fólk misjafnlega byggt - því hleypur eðlileg þyngd á vissu bili. En ef BMI-vægið er yfir 25-27, ætti að huga að þyngdinni, svo að það bitni ekki á heilsunni. Offita getur m.a. framkallað sykursýki, hjartasjúkdóma, krabbamein og of háan blóðþrýsting.

Margir halda þó, að þeir séu of þungir án þess að það sé reyndin. Þótt fólk sé aðeins betur í holdum en fyrirsætur tískublaðanna, er ekki sjálfgefið, að um offitu sé að ræða. Í reynd er hollt að hafa hæfilega líkamsfitu. Um það bil 10-18 % af líkamsþyngd karla og 18-25 % af líkamsþyngd kvenna á að vera fita. Það er líkamanum nauðsyn.

Ef BMI er yfir 30 er áríðandi að grípa til aðgerða.
(Gættu að því að BMI-vægið á ekki við um vaxtarræktarfólk þar sem vöðvamassi þeirra er ekki í samræmi við BMI; einnig getur fólk með óvenju þung bein sýnt óvenju hátt BMI-vægi án þess að um offitu sé að ræða.)

• Til athugunar: Hægt er að lækka BMI-vægið án þess að svelta sig. Tilgangurinn og markmiðið er að bæta heilsuna og líðan í framtíðinni.
• ÁBENDING: Þú getur fundið út í töflunni hér að ofan, hvað er ráðlegt að léttast mikið.

Ef BMI-vægið er of hátt: að léttast á heilbrigðan hátt.

Kannaðu hvort þú ert epla- eða perulaga